'Akyat bahay', arestado sa Valenzuela City

ABS-CBN News

Posted at May 19 2017 12:19 PM

Watch also in iWantv or TFC.tv

Arestado ang isang hinihinalang miyembro ng Akyat Bahay sa Valenzuela kahapon ng madaling araw. 

Hindi nagising si Ferly Dela Cruz at wala ring nakaramdam sa mga pinsan niya nang sirain ang kahoy na bintana at tuluyang mabuksan ang pintuan sa bahay nila sa De Leon Street, Home Centrum Subdivision, sa Barangay Mapulang Lupa.

May hinala na si Dela Cruz kung sino ang nanloob sa kanilang bahay dahil bago mangyari ang pagnanakaw, napansin niya ang suspek na tila paikot-ikot at nagmamasid sa labas ng kanilang bahay.

Agad nagsagawa ng follow-up operations ang Valenzuela police at naaresto ang suspek na si Alferd Data malapit sa bahay ng biktima. 

Narekober ang dalawang cellphone, P7,000 na cash at mga ATM card ng biktima.

Todo tanggi naman ang suspek at isang alyas "Nognog Bakla" naman ang itinuturo niya na gumawa ng krimen.

Nakuha ang isang sachet ng hinihinalang shabu sa suspek na aminadong gumamit nitong linggo.

Nanawagan naman ang Valenzuela police sa mga iba pang nabiktima ng suspek na magsampa ng reklamo. – Umagang kay Ganda, 19 May 2017

Bisitahin ang Patrol.PH para sa iba pang mga balita.