TINGNAN: Baha sa ilang lugar sa kalakhang Maynila

ABS-CBN News

Posted at Oct 11 2016 12:51 PM | Updated as of Oct 11 2016 01:14 PM

Nagdulot ng pagbaha ang magdamag na pag-buhos ng ulan nitong Lunes ng gabi sa ilang bahagi ng Kalakhang Maynila at ilang mga karatig-bayan nito.

Ibinahagi ng ilang Bayan Patrollers ang mga larawan mula sa kanilang lugar:

Ayon sa state weather bureau PAGASA, patuloy na makararanas ng pag-ulan ang kanlurang bahagi ng Hilaga at Gitnang Luzon ngayong araw dahil sa habagat.

Maulap na kalangitan na may mahina hanggang sa katamtamang mga pag-ulan ang mararanasan sa Metro Manila at sa mga rehiyon ng Ilocos, Cordillera, bahagi ng Gitnang Luzon, Calabarzon, at Hilagang Palawan.

Bahagyang maulap hanggang sa maulap na kalangitan na may pulu-pulong mga pag-ulan o pagkidlat-pagkulog ang iiral sa nalalabing bahagi ng bansa.

Sa Miyerkules naman ay asahan na ang pag-ulan sa hapon sa bahagi ng Zambales, Batangas, Mindoro, Marinduque, at ilang bahagi ng Quezon at Palawan.