Bakit tutol ang ilang private schools sa panukalang TRAIN 2?

ABS-CBN News

Posted at Aug 10 2018 08:20 PM

Watch more in iWantv or TFC.tv

Nangangamba ang mga grupo ng private schools sa ilang itinutulak na probisyon ng panukalang Tax Reform for Acceleration and Inclusion (TRAIN) package 2 o tinatawag na ngayong Tax Reform package for Attracting Better and High-quality Opportunities (TRABAHO) bill. 

Ang mga educational institution kasi na libre ngayon sa buwis, target nang patawan ng 15 hanggang 20 percent tax kung hindi nila matutugunan ang itinakdang performance criteria.    

Isa sa mga naalarma sa naturang panukala ay si Eleazardo Kasilag na nagmamay-ari ng St. Nicolas School.

Mayroon lang itong 200 na estudyante pero ang hindi daw alam ng marami ay nahihirapan na sila ngayon.

"May collectibles kami, you won't believe it. Napakaliit ng eskuwelahan namin pero close to P2 million," ani Kasilag. 

Pangamba ng private schools, maaaring marami ang magsarang paaralan at kung hindi man ay magtaatas sila ng tuition.

"It can cause the demise of the private education institutions," ani Caroline Enriquez, presidente ng Philippine Association of Colleges and Universities (PACU).

"Where does all of these go? Ask any economist, ask any development specialist, education's number one for national development," ayon kay Vince Fabella, board member ng PACU.

Sa ngayon, umaaasa ang mga private school na hindi sila biguin ng gobyerno. 

—Ulat ni Jasmin Romero, ABS-CBN News

Bisitahin ang Patrol.PH para sa iba pang mga balita.