3 bahay sa QC, nasunog

Jekki Pascual, ABS-CBN News

Posted at Jan 13 2018 09:40 AM

MAYNILA - Tatlong bahay sa loob ng isang compound ang nasunog, Sabado ng umaga sa Project 6, Quezon City.

Sumiklab ang apoy pasado ala-6 ng umaga sa Road 2.

Kuwento ni Jonathan Senono, umuupa sa isa sa mga bahay, nakarinig siya ng dalawang malakas na pagsabog. 

Nagsimula umano ang sunog sa tree house na inuupahan din ng isang hospital worker. Pero walang tao sa tree house dahil nasa trabaho ang umuupa.

Hindi pa malaman ang sanhi ng sunog, pero ayon sa fire investigator na si Insp. Rosendo Cabillan, posibleng may naiwang gadget o appliances na naka-saksak kaya nag-electrical overload. 

Hinihintay pa nila ang umuupa sa tree house para sa kaniyang salaysay.

Nasa P75,000 ang inisyal na taya sa halaga ng nasira sa sunog na umabot ng ikalawang alarma bago naapula.

Bisitahin ang Patrol.PH para sa iba pang mga balita.